Fövqəladə Hallar Nazirliyinin əməkdaşları Cənub Regional Mərkəzində alpinizm üzrə təlimlərdə iştirak ediblər. Bu haqda bu gün, 24 avqust tarixində Cenublu.az FHN-ə istinadən xəbər verir.
Təlim “Alpinist ləvazimatlarından istifadə etməklə zərərçəkmişin xilas edilməsi” mövzusunda keçirilib. Məşğələlərin keçirilməsində əsas məqsəd xilasetmə işlərinin təşkili və aparılması qaydaları, hündürmərtəbəli binalardan zərərçəkmişlərin təxliyə edilməsi üzrə şəxsi heyətin bilik və bacarıqlarının artırılması, həmçinin xilasetmə zamanı effektiv idarəetmə vərdişlərinin təkmilləşdirilməsi olub.
Təlim zamanı FHN-in əməkdaşları şərti zərərçəkmişləri “hündürmərtəbəli bina”dan təxliyə edərək onlara “təxirəsalınmaz ilkin tibbi yardım göstərib”, eləcə də qarşıya qoyulmuş digər tapşırıqları icra ediblər.
