Bir zamanların məşhur müğənnisi, talış mahnılarının mahir ifaçısı, Əməkdar artist Züleyxa Rəhimi vəfat edib. Bu haqda məlumatı Cenublu.az bu gün, 29 aprel tarixində verir.
Belə ki, 87 yaşlı xanəndə uzun zamandır ki, qaraciyər xərçəngindən əziyyət çəkirdi. O, Kürdəxanı qəsəbəsindəki qəbiristanlıqda dəfn olunub.
Qeyd edək ki, Züleyxa Rəhimi 1937-ci ildə kasıb ailədə dünyaya göz açıb. Atası və anası lənkəranlı olublar. O, Asəf Zeynallı adına musiqi məktəbində xanəndəlik sinfində təhsil alıb. Təhsilini başa vurduqdan sonra lənkəranlı bir bəylə ailə həyatı qurub. Bu izdivacdan onların bir oğlu olub. Lakin evlilikləri uğursuz nəticələnib və oğlunun iki yaşı olanda onlar ayrılıblar. Züleyxa xanım bir də heç vaxt ailə qurmayıb. O, xanəndələr Ağaxan Abdullayev, Gülnisə Bayramova və Zaur Rzayevlə birgə oxuyub və toylarda çıxış edib.
