Azərbaycan Respublikasının Əməkdar artisti Niftulla Fətulla oğlu Əsgərov vəfat edib. Bu haqda məlumatı Cenublu.az bu gün, 22 yanvar tarixində verir.
O, uzunsürən xəstəlikdən sonra bu gün səhər saatlarında dünyasını dəyişib.
Qeyd edək ki, Niftulla Əsgərov 5 iyul 1959-cu ildə Lənkəran rayonunun Girdəni kəndində anadan olub. 1995-ci ildən Lənkəran Dövlət Dram Teatrının aktyoru idi.
O, teatrda yaratdığı obrazlarla yanaşı, bir çox seriallarda çəkildiyi rollarla da tanınıb. 2014-cü ildə teatrın inkişafında xidmətlərinə görə Mədəniyyət Nazirliyinin "Fəxri mədəniyyət işçisi” döş nişanı ilə təltif olunub. 2018-ci ildə Azərbaycan Respublikasının Əməkdar artisti fəxri adına layiq görülüb.
Allah rəhmət eləsin!
