Dövlət Sosial Müdafiə Fondunun (DSMF) idarə heyətinin sədri Himalay Məmişov Cəlilabad rayonunda sakinlərlə görüşəcək. Bu haqda məlumatı Cenublu.az bu gün, 27 may tarixində verir.
İyunun 7-də baş tutacaq qəbulda vətəndaşların pensiya, sosial müavinətlər, təqaüd, ünvanlı dövlət sosial yardımı və fərdi uçotla bağlı sualları cavablandırılacaq. Görüşdə Masallı və Cəlilabad sakinləri iştirak edə bilərlər.
Qəbulda iştirak etmək üçün mayın 31-dək fondun Cəlilabad rayonunda yerləşən qəbul şöbəsinə və Masallı rayonundakı regional filialına müraciət etməklə və ya [email protected] elektron ünvanına yazmaqla, eləcə də DSMF-nin sosial şəbəkə hesabları vasitəsilə müraciət etməklə qeydiyyatdan keçmək mümkündür.
