Lənkəranda üzrlü səbəbdən buraxılış imtahanında iştirak edə bilməyən şagirdlər üçün növbəti şans yaradılıb. Bu haqda bu gün, 31 avqust tarixində Cenublu.az DİM-ə istinadən xəbər verir.
Buraxılış imtahanı 4 sentyabr tarixində baş tutacaq. Həmin tarixdə keçirilən imtahanlarda 9-cu və 11-ci sinif şagirdləri, Azərbaycan dili (dövlət dili kimi) imtahanlarında iştirak edə bilməyən şagirdlər, o cümlədən eksternat qaydasında imtahan verənlər iştirak edə biləcəklər.
İmtahanlarda iştirak edəcək şagirdlər DİM saytından “İmtahana buraxılış vərəqəsi”ni çap edib götürə bilərlər. Buraxılış vərəqəsi ilə yanaşı, onlara “Yaddaş kitabçası”ndan çıxarış da təqdim olunur.
