Vətəndaşların 400 min manatını ələ keçirən Lənkəran sakini tutulub. Bu haqda məlumatı Cenublu.az bu gün, 25 may tarixində verir.
Lənkəran ŞRPŞ-yə Nihad Rəhimli adlı şəxsin Birləşmiş Ərəb Əmirliklərindən fotoaparatlar gətirib burada satmaq adı ilə rayon sakinindən 355 min manat pulu mənimsəməsi barədə məlumat daxil olub.
Həmçinin məlum olub ki, N.Rəhimli Dubayda hotel biznesinə yatırım etmək adı ilə digər bir Lənkəran sakininin 40 min manat pulunu ələ keçirib.
N.Rəhimli istintaqdan yayınmaq üçün bir müddət müxtəlif ünvanlarda gizlənib. Lakin o, Bakı şəhərində saxlanılaraq istintaqa təhvil verilib. Onun barəsində məhkəmənin qərarı ilə həbs qətimkan tədbiri seçilib.
Hazırda həmin şəxsin başqa analoji əməllər edib-etməməsi araşdırılır.
