Redaksiyamızın dünən işıqlandırdığı Lənkəran şəhəri, şəhid Orxan Quluzadə küçəsində dəmir yolu xəttinin aşağı hissəsində yaranmış məişət tullantıları problemi qısa müddətdə aradan qaldırılıb.
Cenublu.az xəbər verir ki, xəbərin yayımlanmasından dərhal sonra aidiyyəti qurumlar əraziyə cəlb olunub. Polis əməkdaşlarının müşayiəti ilə ərazi məişət tullantılarından tam təmizlənərək antisanitar vəziyyət aradan qaldırılıb.
Bununla yanaşı, ətrafda yaşayan sakinlərlə maarifləndirici və xəbərdaredici söhbətlər aparılıb.
Bildirilib ki, əraziyə nəzarət gücləndiriləcək, gələcəkdə eyni problemin təkrarlanmaması və məişət tullantılarının qalaqlanmasının qarşısının alınması üçün müvafiq tədbirlər görüləcək.
