Lənkəranda məişət tullantıları ilə bağlı yaranmış problem aradan qaldırılıb.
Cenublu.az xəbər verir ki, redaksiyamıza daxil olan şikayət işıqlandırıldıqdan sonra şəhərin Mir Mustafa xan küçəsində bir həftəyə yaxın daşınmayan zibillər ərazidən yığışdırılıb.
Hazırda ərazi təmizlənsə də, sakinlər zibil qutularının olmaması probleminin hələ də aktual olduğunu bildirirlər. Onların sözlərinə görə, konteynerlər quraşdırılmadığı təqdirdə oxşar vəziyyət yenidən yarana bilər.
Sakinlər aidiyyəti qurumları məsələni köklü şəkildə həll etməyə çağırırlar.
