İyunun 15-i saat 10:00-a olan faktiki hava şəraiti açıqlanıb.
Cenublu.az Milli Hidrometeorologiya Xidmətinə istinadən xəbər verir ki, ölkə ərazisinin bəzi yerlərində yağıntılı hava şəraiti davam edir, bəzi ərazilərdə şimşək çaxır, ayrı-ayrı yerlərdə isə yağıntılar intensiv xarakter alıb.
Düşən yağıntının miqdarı Biləsuvarda 15 mm, Cəlilabadda 12 mm, İmişlidə 7 mm, Sabirabadda 2 mm, Yardımlı və Lerikdə isə 1 mm-dək qeydə alınıb.
İyunun 14-də bəzi ərazilərdə şimal-qərb küləyi əsib, küləyin maksimal sürəti Sabirabadda 16 m/s-dək güclənib.
Lerikdə duman müşahidə olunub. Görünüş məsafəsi 500 metrədək məhdudlaşıb.
Havanın maksimal temperaturu Aran rayonlarında 32 dərəcəyədək, dağlıq rayonlarda isə 23 dərəcəyədək isti qeydə alınıb.
