Cəlilabad rayonunda zəncirvari yol-nəqliyyat hadisəsi baş verib.
Cenublu.az xəbər verir ki, hadisə Cəlilabad şəhəri ərazisində qeydə alınıb.
"VAZ 21011" markalı avtomobil dönmə manevri etdiyi zaman arxadan gələn "Mercedes" markalı nəqliyyat vasitəsi ona çırpılıb. Daha sonra toqquşmanın təsirindən "VAZ 21011" yoldan çıxaraq əks istiqamətdə hərəkətdə olan "VAZ 2106" markalı avtomobillə toqquşub.
Qəza nəticəsində 4 nəfər - 1980-ci il təvəllüdlü Cəlal Mirzəzadə, 1979-cu təvəllüdlü Elçin Quliyev, 2010-cu təvəllüdlü Fatimə Mirzəzadə və 2010-cu təvəllüdlü Şəfa Məmmədova xəsarət alıblar. Onlar xəstəxanaya çatdırılıblar.
Faktla bağlı araşdırma aparılır.
