Bu gün Vətən müharibəsi şəhidlərimizin – Cavid Hüseynov, Sənan Səlimov və Ruhid İslamlının anadan olduqları gündür.
Cavid Habil oğlu Hüseynov 1994-cü ildə Cəlilabad rayonunun Hamarqışlaq kəndində anadan olub.
Vətən müharibəsi zamanı Füzulinin azadlığı uğrunda gedən döyüşlərdə iştirak edib. Cavid Hüseynov sentyabrın 30-da Füzuli döyüşləri zamanı şəhid olub. Cəlilabad rayonunun Hamarqışlaq kəndində dəfn edilib.
Sağlığında "Azərbaycan Ordusunun 100 illiyi" yubiley medalına layiq görülən Cavid ölümündən sonra “Vətən uğrunda”, "Füzulinin azad olunmasına görə", "İgidliyə görə", "Cəbrayılın azad olunmasına görə" və "Şuşanın azad olunmasına görə" medalları ilə təltif edilib.
Sənan Nasif oğlu Səlimov 2001-ci il aprelin 1-də Masallı rayonunun Təzə Alvadı kəndində anadan olub.
Sənan Vətən müharibəsi zamanı Füzulinin azadlığı uğrunda gedən döyüşlərdə savaşıb. Sənan Səlimov oktyabrın 14-də Füzuli döyüşləri zamanı şəhid olub. Masallı rayonunda dəfn olunub.
Ölümündən sonra "Vətən uğrunda", "Füzulinin azad olunmasına görə" medalları ilə təltif edilib.
Ruhid Uğur oğlu İslamlı 1999-cu ildə Lerik rayonunun Çeşman kəndində anadan olub.
Ruhid Vətən müharibəsi dövründə Talış kəndi və Suqovuşan istiqamətlərində döyüşüb. O, oktyabrın 6-da şəhid olub.
Ölümündən sonra şəhid Ruhid İslamlı Prezidentin Sərəncamları əsasında "Vətən uğrunda", "Suqovuşanın azad olunmasına görə", "Vətən Müharibəsi iştirakçısı", "Cəsur döyüşcü" medalları ilə təltif edilib.
