Bu gün vətən uğrunda canlarından keçən şəhidlərimiz – Elvin Əzizov və Əsgər Məmmədovun doğum günüdür.
Elvin Əziziov 1986-cı ildə martın 25-i Masallı rayonunun Qarğalıq kəndində anadan olub. O, Vətən müharibəsi zamanı torpaqlarımızın işğaldan azad olunması uğrunda Füzuli rayonu ərazisində döyüşüb. Qızğın döyüşlərdə düşmənə qarşı böyük mərdlik göstərərək 11 oktyabrda şəhidlik zirvəsinə ucalıb. Şəhid gizir Elvin Əzizov 16 oktyabr 2020-ci il tarixdə doğulduğu Qarğalıq kənd qəbiristanlığında izdihamla torpağa tapşırılıb.
Ölümündən sonra “Vətən uğrunda” və “Füzulinin azad olunmasına görə” medalları ilə təltif olunub.
Əsgər Zaur oğlu Məmmədov 2002-ci ildə martın 25-i Cəlilabad rayonunun Edişə kəndində anadan olub. O, Tərtər-Ağdərə bölgəsində düşmən tərəfindən atılan artilleriya mərmisinin partlaması nəticəsində aldığı qəlpə yarasından həlak olub.
Ölümündən sonra “Vətən uğrunda” medalı ilə təltif olunub.
