Lənkəran və Astara rayonları ərazisində çimərliklərdə dəniz suyunun monitorinqi aparılıb. Bu haqda məlumatı Cenublu.az bu gün, 7 iyun tarixində verir.
Yay mövsümünə hazırlıqla əlaqədar olaraq sanitariya vəziyyətinin müayinəsi və dəniz suyunun keyfiyyət göstəricilərinin laborator tədqiqatının aparılması məqsədilə yoxlamalar keçirilib.
Dəniz suyunun yüksək bakterioloji çirklənmə göstəricilərinin əhalinin sağlamlığı üçün təhlükə yarada biləcəyini nəzərə alaraq, çimərliklərə istifadənin müvəqqəti olaraq tövsiyə olunmadığı barədə qərar qəbul edilib.
Laboratoriya müayinələri zamanı sanitariya-kimyəvi (suyun rəngi, qoxusu, üzən qarışıqlar, asılı maddələr, biokimyəvi oksigen tələbatı, neft məhsulları, fenol) və bakterioloji (bağırsaq çöpləri) göstəriciləri araşdırılır.
