Azərbaycanda müşahidə edilən faktiki hava şəraiti açıqlanıb.
Bu barədə Cenublu.az -a Milli Hidrometeorologiya Xidmətindən məlumat verilib.
Martın 25-i saat 10:00-a olan məlumatına əsasən, ölkə ərazisinin bəzi yerlərində yağıntılı və küləkli hava şəraiti müşahidə olunub.
Belə ki, düşən yağıntının miqdarı Astarada 20, Lənkəranda 17, Lerikdə 6, Yardımlıda isə 2 mm-dək qeydə alınıb.
Dənizdə dalğanın hündürlüyü 3.2 metrə çatıb.
Lerikdə duman müşahidə olunub, görünüş məsafəsi 200 metrədək məhdudlaşıb.
Dağlıq rayonlarda isə səkkiz dərəcəyədək şaxta qeydə alınıb.
