Cəlilabad rayonunun Şiləvəngə kəndində yeni park salınır. Bu haqda məlumatı Cenublu.az bu gün, 11 iyul tarixində verir.
Park Cəlilabad Rayon İcra Hakimimiyyəti başçısının Şiləvəngə kənd inzibati ərazi dairəsi üzrə nümayəndəliyinin təşkilatçılığı ilə sakinlərin asudə vaxtlarını səmərəli keçirmələri məqsədilə salınır.
Artıq ərazidə gecə işıqlandırılması işləri yekunlaşıb, parkda təmizlik və abadlıq işləri aparılır.
Yeni salınan parkda uşaq oyun-əyləncə meydançası və oturacaqların quraşdırılması nəzərdə tutulur. Həmçinin parkda yaşıllıq zolaqları salınacaq, o cümlədən müxtəlif növ ağaclar, yeni dekorativ gül-çiçək kolları əkiləcək.
