Cəlilabad rayonunda pedaqoji fəaliyyəti göstərən Samirə Əmrahova “Firidun bəy Köçərli” adına mükafata layiq görülüb. Bu haqda məlumatı Cenublu.az bu gün, 2 fevral tarixində verir.
Firidun bəy Köçərlinin anadan olmasının 161-ci ildönümünə həsr edilən mükafatın qalibləri elan ediliblər. Onların arasında Göytəpə şəhər 1 nömrəli tam orta məktəbin Azərbaycan dili və ədəbiyyat müəllimi Samirə Əmrahova yer alıb.
Qeyd edək ki, AzEdu.az Təhsil Portalının təsis etdiyi mükafatın əsas məqsədi təhsilin inkişafında xidmətləri olan şəxsləri diqqət mərkəzində saxlamaq, onların fəaliyyət və uğurlarını geniş şəkildə ictimaiyyətə çatdırmaqdır.
