Cəlilabadda Uşaqların Beynəlxalq Müdafiəsi Günü münasibətilə tədbir keçirilib. Bu haqda məlumatı Cenublu.az bu gün, 1 iyun tarixində verir.
Heydər Əliyev Mərkəzində baş tutan tədbirdə rayon başçısı Rafiq Cəlilov, İctimai-siyasi və humanitar məsələlər şöbəsi müdirinin müavini, dini qurumlarla işin təşkilatçısı Vahid Mirzəyev, Lənkəran–Astara Regional Təhsil İdarəsinin müdiri Bəhruz Mehdiyev, YAP Rayon Təşkilatının sədri Mirsüleyman Mirxaslı, təhsil işçiləri və ictimaiyyət nümayəndələri iştirak ediblər. Çıxışlarda gələcəyimiz olan uşaqlara göstərilən yüksək dövlət qayğısından danışılıb. Daha sonra ümummilli lider Heydər Əliyevin uşaqlarla görüşlərindən hazırlanmış videoçarx nümayiş etdirilib.
Bayram tədbirində uşaqlar hazırlanmış mahnı və rəqs nömrələri ilə çıxış ediblər. Sonda icra başçısı Rafiq Cəlilov və Regional Təhsil İdarəsinin müdiri Bəhruz Mehdiyev tərəfindən uşaqlara hədiyyələr təqdim olunub.
