Cəlilabadda şəhid ailəsi ziyarət olunub. Bu haqda məlumatı Cenublu.az bu gün, 5 yanvar tarixində Cəlilabad rayon İcra Hakimiyyətinə istinadən verir.
Rayon rəhbəri Rafiq Cəlilov şəhid Əhməd Abdullayevin evinə baş çəkib. İcra başçısı ailəni ziyarət edib, onları narahat edən məsələlərlə maraqlanıb.
Həmçinin şəhidin ailəsi qonaqlarla övladları ilə bağlı xatirələrini paylaşıb.
Qeyd edək ki, şəhid Əhməd Abdullayev 30 iyul 1976-cı ildə Cəlilabad rayonunda, ziyalı ailəsində anadan olub. O, 4 sentyabr 2010-cu ildə ermənilərin hücumunun qarşısını almaq məqsədilə xüsusi döyüş tapşırığını yerinə yetirərkən dünyasını dəyişib.
