Cəlilabad rayonunda 6 təsərrüfatdan ümumilikdə 12 baş qoyun oğurlanıb. Bu haqda məlumatı Cenublu.az bu gün, 18 yanvar tarixində verir.
Cəlilabad Rayon Polis Şöbəsinin əməkdaşları tərəfindən əməliyyat-axtarış tədbirləri keçirilib. Nəticədə 12 baş xırdabuynuzlu heyvanı oğurlayan Cəlilabad rayon sakinləri – əvvəllər oğurluq əməlinə görə məhkum olunmuş Elgün Şahmarov, Bəhruz Əlizadə və bir nəfər yeniyetmə tutulublar.
Həyata keçirilən digər əməliyyat-axtarış tədbiri nəticəsində rayon sakinləri – əvvəllər məhkum olunmuş Etibar Quliyev və Rəhim Verdiyev dövlət müəssisələrindən birinin balansından ümumi dəyəri 1690 manat olan 13 ədəd quyu qapağını oğurlamaqda şübhəli bilinərək saxlanılıblar.
Araşdırma aparılır.
