Cəlilabad rayonunda qızılca virusuna yoluxma sayında artım qeydə alınıb. Bu haqda məlumatı Cenublu.az bu gün, 12 fevral tarixində Report.az-a istinadən verir.
Belə ki, rayonda noyabr ayından bu günədək 493 nəfər qızılcaya yoluxub. Yoluxanlardan 18 yaşdan kiçiklər 318 nəfər, 18 yaşdan böyüklər isə 175 nəfər təşkil edir.
Hazırda aktiv xəstə sayı 47 nəfərdir. Xəstələrdən 3-ü stasionar şəraitdə müalicə olunur.
Rayon üzrə ötən ilin dekabrın 1-dən QPM peyvəndi vurulan uşaqların sayı 2 332 nəfərdir. Fevralın 9-u QPM peyvəndi 23 azyaşlıya vurulub.
Qeyd edək ki, fevralın 9-u 13 nəfər bu virusa yoluxub. Sonuncu dəfə virusa gündəlik yoluxma 5 nəfər olub.
