Cəlilabada peyvənddən kənarda qalan uşaqlarla bağlı səyyar həkim briqadaları cəlb edilib. Bu haqda məlumatı Cenublu.az bu gün, 4 iyun tarixində Report.az-a istinadən verir.
Hər briqada pediatr, terapevt və tibb bacılarından ibarət olub. Əlavə olaraq briqadalar müayinələrin aparılması üçün portativ USM, laborator, EKQ avadanlıqlarla təchiz edilib.
Kampaniya çərçivəsində 11 briqada kəndləri ziyarət edərək, peyvəndlə bağlı tərəddüdü olan valideynlərlə görüşlər keçirib və onlara maarifləndirici materiallar təqdim edib. Daha sonra peyvənddən kənarda qalan uşaqlar vaksinasiyaya cəlb ediliblər.
Kampaniya öncəsi səyyar briqada əməkdaşları və onlara dəstək olacaq icma rəhbərləri üçün təlim təşkil olunub.
