Cəlilabadda yerləşən hərbi hissədə Müstəqillik Günü ilə əlaqədar tədbir təşkil olunub. Bu haqda məlumatı Cenublu.az bu gün, 29 may tarixində verir.
Tədbir Göytəpə şəhərində yerləşən "N" saylı hərbi hissədə keçirilib. Burada təşkilatçı müəssisələrin əməkdaşları və Lənkaran–Astara Regional Mədəniyyət İdarəsinin Cəlilabad rayon üzrə böyük mühasibi Elnur Atakişiyev iştirak ediblər.
Əvvəlcə Elnur Atakişiyev və Mədəniyyət Mərkəzinin direktoru Ramil İbrahimov çıxış edərək əsgərləri salamlayıb və Müstəqillik Günü münasibətilə təbriklərini hərbi heyətin diqqətinə çatdırıblar. Tədbir Cəlilabad rayon Mədəniyyət Mərkəzi solistlərinin ifasında konsert proqramı ilə davam edib.
