Cəlilabadda Azərbaycan Respublikası Prezidenti seçkiləri ilə əlaqədar aşağı seçki komissiyalarının üzvləri üçün treninqlər təşkil edilib. Bu haqda məlumatı Cenublu.az bu gün, 18 yanvar tarixində Report.az-a istinadən verir.
Sessiyalara 71 saylı Cəlilabad Şəhər seçki dairəsinin aşağı seçki komissiyası üzvləri cəlb olunublar. Onlara səsvermə prosesi, seçki günü müstəsna hallar, səslərin sayılması və səsvermənin nəticələri haqqında rəsmi protokolların doldurulması da daxil olmaqla, bütün seçki günü prosedurları barədə məlumat verilib.
İştirakçılara MSK tərəfindən hazırlanan “Seçki günü üçün yaddaş” kitabçası, səsvermənin nəticələri haqqında protokol nümunəsi, eləcə də bir sıra digər zəruri metodiki vəsaitlər və əyani materiallar da təqdim olunub.
Qeyd edək ki, treninqlər Mərkəzi Seçki Komissiyasının (MSK) təşkil etdiyi “Trenerlər üçün treninq” kursunda iştirak etmiş təlimçilər tərəfindən aparılıb.
