Cəlilabaddan olan həmkəndlilərdən külli miqdarda narkotik vasitə və psixotrop maddə müsadirə edilib. Bu haqda məlumatı Cenublu.az bu gün, 6 fevral tarixində verir.
Lerik RPŞ-nin əməkdaşları əməliyyat tədbirləri keçiriblər. Nəticədə Cəlilabad rayon Çünzəli kənd sakinləri Nurlan Mustafalı və həmkəndlisi, əvvəllər məhkum olunmuş Niyaməddin Əmədullayev saxlanılıblar. N.Əmədullayevin əlindəki çantadan 3 kiloqram marixuana, 100 qram heroin və 100 qram metamfetamin tapılaraq götürülüb.
Saxlanılan şəxslər narkotiki Lerikdən paytaxt ərazisinə gətirmək istəyiblər. Onlar barəsində həbs qətimkan tədbiri seçilib.
Məlumata görə, sözügedən narkotik vasitə xaricdə yaşayan narkotik alverçisi vasitəsilə pul müqabilində Bakı şəhəri ərazisinə gətirilmək məqsədilə əldə edilib.
Faktla bağlı araşdırma aparılır.
