Masallılı şair Arif Fərzəlinin anadan olduğu gündür.
Arif Fərzəli 1956-cı il martın 30-da Masallı rayonunun Xırmandalı kəndində dünyaya göz açıb. Azərbaycan Dövlət Universitetinin Kimya fakültəsini bitirib. Atası Xudakərim müəllim “Məftun” imzası ilə şeirlər yazardı. Atasının dəst-xəttini davam etdirən qələm ustadı da gənc yaşlarından şeirlər yazır. Şeirləri Masallıda çıxan “Çağırış” qəzetindən başlayaraq respublikanın dövrü mətbuatında nəşr olunur.
Arif Fərzəli uzun müddət pedaqoq kimi fəaliyyət göstərsə də, bədii yaradıcılığa ömürlük könül verib. Azərbaycan Yazıçılar Birliyinin üzvü olan şairimizin “Toxuma həsrət torpaq”, “Sizin dünya”, “Ömür yarımçıq qalmır”, “Yağışa düşən qərib”, “Tarix kitabı”, “Ömürdən iki yarpaq” kitabları işıq üzü görüb.
