Bu gün, 17 fevral tarixində Azərbaycan Ordusunun əsgəri, Vətən müharibəsi şəhidi Rəvan Məmmədovun mövlud günüdür.
Rəvan İntiqam oğlu Məmmədov 1998-ci ildə Cəlilabad rayonunun Novruzallı kəndində anadan olub.
Vətən müharibəsinin ilk günlərindən döyüşlərə qatılıb. Bir sıra uğurlu əməliyyatlarda yaxından iştirak edib. Eyni zamanda şəxsi şücaətlər göstərərək hərbçi yoldaşları ilə birlikdə düşmənə sarsıdıcı zərbələr endirib, onun canlı qüvvəsini məhv edib. Füzuli istiqamətində gedən hərbi əməliyyat Rəvanın son döyüşü olub.
Rəvan Məmmədov 10 oktyabr tarixində Füzuli rayonu istiqamətində gedən döyüşlərdə düşmən tərəfindən atılan artilleriya atəşi nəticəsində şəhid olub.
Ölümündən sonra “Vətən uğrunda” və “İgidliyə görə” medalları ilə təltif olunub.
