Bu gün Vətən müharibəsi şəhidi Nail Orucovun doğum günüdür.
Nail Rəfail oğlu Orucov 1978-ci ildə Astara rayonunun Məsçitməhəllə kəndində anadan olub.
Azərbaycan Ordusunun polkovnik-leytenantı olan Orucov 2020-ci il sentyabrın 27-də başlanan Vətən müharibəsi zamanı Cəbrayılın, Hadrut qəsəbəsinin, Füzulinin və Qubadlının azadlığı uğrunda gedən döyüşlərdə savaşıb. Nail Orucov oktyabrın 31-də Qubadlı döyüşləri zamanı şəhid olub. Astara rayonunda dəfn olunub.
Ölümündən sonra "Vətən uğrunda", "Cəbrayılın azad olunmasına görə", "Qubadlının azad olunmasına görə" medalları və "Azərbaycan Bayrağı" ordeni ilə təltif edilib.
