Bu gün, 13 iyul tarixində Azərbaycan Ordusunun giziri, Vətən müharibəsi şəhidi Mirməhəmmədəli Rzazadənin mövlud günüdür.
Mirməhəmmədəli Tərlan oğlu Rzazadə 1997-ci ildə Lənkəran rayonunun Şilavar kəndində anadan olub. 27 sentyabr 2020-ci ildə başlayan Vətən müharibəsi zamanı torpaqlarımızın azadlığı uğrunda gedən döyüşlərdə iştirak edib. O, 17 oktyabr tarixində qəhrəmancasına şəhid olub.
Ölümündən sonra “Vətən uğrunda” və “Cəbrayılın azad olunmasına görə” medalları ilə təltif olunub.
