Bu gün, 8 iyul tarixində Azərbaycan Silahlı Qüvvələrinin əsgəri, Vətən müharibəsi şəhidi Hüseyn Həsənxan oğlu Qasımzadənin mövlud günüdür.
Hüseyn Qasımzadə 2001-ci ildə Cəlilabad rayonunun Sərhədabad kəndində anadan olub. Məktəbi bitirdikdən sonra 2019-cu ildə hərbi xidmətə çağırılıb. Xidmət etdiyi zaman qüsursuz xidmətinə görə kiçik çavuş rütbəsinə layiq görülüb.
Vətən müharibəsi zamanı Taleh Mehdiyev Tərtər, Ağdərə savaşlarında iştirak edib. O, 6 oktyabr 2020-ci ildə Tərtər istiqamətində gedən döyüşlərdə düşmən tərəfindən atılan artilleriya mərmisinin partlaması nəticəsində aldığı qəlpə yarasından şəhid olub. 1 noyabr 2020-ci ildə Cəlilabadda dəfn olunub.
Ölümündən sonra "Vətən uğrunda", "Suqovuşanın azad olunmasına görə" və "Cəsur döyüşçü" medalları ilə təltif olunub.
