Bu gün, 8 yanvar tarixində Masallıdan olan şəhid Əlisa Əliyevin doğum günüdür.
Əlisa Arif oğlu Əliyev 2000-ci ildə Masallı rayonunun Qızılağac kəndində doğulub. 2006-2017-ci illərdə Qızılağac kənd 2 nömrəli tam orta məktəbində təhsil alıb. 2018-ci ildə həqiqi hərbi xidmətə çağırılıb. 2020-ci ildə, Vətən müharibəsi zamanı Füzuli, Cəbrayıl, Hadrut, Xocavənd və Şuşa uğrunda gedən döyüşlərdə vuruşub.
6 noyabr 2020-ci ildə Xocalı rayonunun Şuşakənd kəndi istiqamətində döyüş tapşırığını yerinə yetirərkən şəhid olub. O, Qızılağac kənd qəbiristanlığında dəfn edilib.
Ə.Əliyev ölümündən sonra “Vətən uğrunda”, “Şuşanın azad olunmasına görə”, “İgidliyə görə”, “Xocavəndin azad olunmasına görə” medalları ilə təltif olunub.
