Bu gün Masallıdan olan şəhid əsgər Aqil Məlikovun mövlud günüdür.
Aqil Qismət oğlu Məlikov 12 avqust 1990-cı ildə Masallı rayonunun Böyük Xocavar kəndində anadan olub. O, 2016-cı ildə, noyabrın 15-i Azərbaycan-Ermənistan təmas xəttində ermənilərin atəşkəs rejimini pozması nəticəsində şəhid olub. Noyabrın 16-da isə Aqil Məlikov doğulduğu kənddə son mənzilə yola salınıb. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatılmışdır. Mərasiminin sonunda yaylım atəşi açılmışdır.
Aqil Məlikov ölümündən sonra göstərdiyi qəhrəmanlığına görə "Hərbi xidmətdə fərqlənməyə görə" III dərəcəli medal ilə təltif edilib.
