Bu gün, 23 yanvar tarixində Azərbaycanın Milli Qəhrəmanı, Mart hadisələri zamanı şəhidlik zirvəsinə ucalan Yalçın Nəsirovun mövlud günüdür.
Yalçın Canhəsən oğlu Nəsirov 1976-cı ildə Astara rayonunun Sərək kəndində anadan olub. 1982-1992-ci illərdə orta təhsil alıb. 1994-cü il 19 aprel Milli Orduya çağırılıb. Tərtər və Şamaxı rayonlarında qulluq edib.
1995-ci ilin Mart hadisələri zamanı dövlət çevrilişinə cəhd edən dəstənin zərərsizləşdirilməsində ağır yaralanıb. 24 mart 1995-ci ildə aldığı yaradan Bakı şəhəri, Sabunçu rayon xəstəxanasında dünyasını dəyişib.
Azərbaycan Respublikası Prezidentinin 4 aprel 1995-ci il tarixli 307 saylı fərmanı ilə Nəsirov Yalçın Canhəsən oğluna ölümündən sonra "Azərbaycanın Milli Qəhrəmanı" adı verilib.
Hal-hazırda Astara rayonu Sərək kənd orta məktəbi onun adını daşıyır. Astara rayonundakı "Qəhrəmanlar" parkında büstü qoyulub.
