Bu gün, 18 yanvar tarixində ürək-damar cərrahı, tibb üzrə elmlər doktoru, Azərbaycan Ürək və Sağlamlıq Assosiasiyası idarə heyətinin sədri, Azərbaycan Respublikasının Əməkdar həkimi Rəşad Mahmudovun doğum günüdür.
Millət vəkili Rəşad Mahmudov 1974-cü ildə Astara rayonunda doğulub.
O, 1991-1997-ci illərdə 9 Eylül Universitetinin Tibb fakültəsində ali təhsil alıb. Daha sonra 1997-2003-cü illərdə Türkiyə Cumhuriyyəti Ege Universitetinin ürək-damar cərrahiyyəsi Elmi Mərkəzinin doktoranturasında təhsil alıb. 2003-cü ildə isə Türkiyə Cumhuriyyəti Ege Universitetində Uzmanlıq Diplomunu müdafiə edib.
2006-cı ildə Ali Attestasiya Komissiyası tərəfindən namizədlik dissertasiyasını müdafiə edərək tibb elmləri namizədi alimlik dərəcəsinə layiq görülüb. 2007-2015-ci illərdə Ali Attestasiya Komissiyası tərəfindən doktorluq dissertasiyasını müdafiə edərək tibb üzrə elmlər doktoru alimlik dərəcəsi alıb.
