Bu gün, 8 iyul tarixində Masallı Regional Boks Mərkəzinin direktoru Elnur Hacıyevin doğum günüdür.
Hacıyev Elnur Əvəzəli oğlu 1982-ci ildə Lənkəran rayonunun Liman şəhərində anadan olub. 1988-ci ildə Liman şəhər 1 saylı orta məktəbinin birinci sinfinə daxil olub, 1999-cu ildə həmin məktəbi bitirib. 1999-2003-cü illərdə Lənkəran Dövlət Universitetinin Fiziki tərbiyə və gənclərin çağırışa qədərki hazırlığı fakültəsində təhsil alıb. 2003-2004-cü illərdə ordu sıralarında həqiqi hərbi xidmət keçib.
2004- 2007-ci illərdə "Spartak" Könüllü Bədən Tərbiyəsi və İdman Cəmiyyətində məşqçi-müəllim kimi fəaliyyət göstərib. 2007-2009-cu illərdə Masallı Olimpiya Kompleksində məşqçi-müəllim, 2009-2013-cü illərdə Masallı rayon Gənclər və İdman İdarəsinin nəznində Uşaq-Gənclər və İdman Məktəbində boks idman növü üzrə baş məşqçi-müəllim kimi fəaliyyət göstərib, 4 sentyabr 2013-cü il tarixindən isə Masallı Regional Boks Mərkəzinin direktoru vəzifəsində çalışır.
O, uşaq yaşlarında ikən boks idman növünə böyük maraq göstərib. 5 qat Azərbaycan çempionu, 3 dəfə müxtəlif Beynəlaxalq turnirlərin qalibi, 1999-cu ildə Azərbaycan boks tarixində ilk dəfə olaraq Bakıda yeniyetmələr arasında (15-16 yaşlılar) keçirilmiş Avropa çempionatının bürünc mükafatçısı, Azərbaycan Respublikasının İdman ustası, Respublika dərəcəli hakimdir.
Ailəlidir, 2 övladı var.
