Bu gün, 10 yanvar tarixində Lənkərandan olan şəhidlər Baloğlan Əhədli və Mirxəyal Kərimzadənin mövlud günüdür.
Baloğlan Şakir oğlu Əhədli 2002-ci ildə Gəgiran kəndində anadan olub.
O, 27 sentyabr 2020-ci ildə başlanan Vətən müharibəsi zamanı Suqovuşan, Füzuli, Cəbrayıl və Şuşa istiqamətlərində gedən ağır döyüşlərdə iştirak edib. 7 noyabr tarixində düşmən tərəfindən atılan artilleriya atəşi nəticəsində şəhid olub. Şəhid Gəgiran kəndinə gətirilib və torpağa tapşırılıb.
Şəhid B.Əhədli ölümündən sonra “Vətən uğrunda”, “Qubadlının azad olunmasına görə”, “Füzulinin azad olunmasına görə”, “Şuşanın azad olunmasına görə” və “İgidliyə görə” medalları ilə təltif edilib.
Mirxəyal Kərimzadə 1999-cu ildə Lənkəranda anadan olub.
Vətən müharibəsi zaman əvvəl Gəncəyə, oradakı 3 günlük xüsusi təlimdən sonra isə Murovdağa göndərilib. Füzuli əməliyyatında və Xocavənd rayonunun işğaldan azad olunmasında iştirak edib. 9 noyabr tarixində Lənkəran şəhərinin kiçik bazar qəbiristanlığında dəfn olunub.
M.Kərimzadə ölümündən sonra “Vətən uğrunda”, “Füzulinin azad olunmasına görə”, “Xocavəndin azad olunmasına görə”, “Hərbi xidmətə görə” medalları ilə təltif olunub.
