Bu gün, 23 yanvar tarixində Lənkəran Dövlət Dram Teatrının aktyoru, Azərbaycan Respublikasının Əməkdar artisti Təvəkkül Əliyevin anım günüdür.
Təvəkkül Əjdər oğlu Əliyev 21 avqust 1951-ci ildə Neftçala rayonunda anadan olub. 1973-cü ildən Lənkəran Dövlət Dram Teatrında çalışan aktyor onlarla tamaşada müxtəlif səpkili obrazlar yaradıb. Teatr fəaliyyəti ilə yanaşı, “Yanmış körpülər”, “Cavad xan”, “Bağışla, gələ bilmədim”, “Xəstə oruc”, “Məni iri planda çəkmə” və s. filmlərdə də çəkilib.
Yaradıcılıq uğurlarına görə Azərbaycan Respublikasının Əməkdar artisti fəxri adına və “Tərəqqi” medalına layiq görülüb.
23 yanvar 2017-ci ildə vəfat edib. Bakının Zabrat qəbiristanlığında torpağa tapşırılıb.
