Bu gün muğam və xalq mahnılarının mahir ifaçılarından biri olan Haşım Kələntərlinin anım günüdür.
Haşım Kələntərli 1899-cu ildə Lənkəran şəhərində anadan olub. O, Lənkəranda məktəbi bitirdikdən sonra bacıları ilə birgə Bakıya köçüb. 1924-1933-cü illərdə Azərbaycan Opera və Balet Teatrının, 1933-1949-cu illərdə Azərbaycan Dövlət Dram Teatrının aktyor və müğənnisi olub. Xanəndə 1949-1953-cü illərdə Azərbaycan Dövlət Filormaniyasının solisti kimi fəaliyyət göstərib.
Haşım Kələntərli "Şeyx Sənan" tamaşasında Kor Ərəb, "Əsli və Kərəm"də Kərəm, "Şah İsmayil"da Zəvvar, eləcə də "Qaçaq Nəbi", "Od gəlini", "Fərhad və Şirin" tamaşalarında maraqlı obrazlar yaradıb.
Əməkdar artist 24 may 1984-cü il 85 yaşında Bakıda dünyasını deyişib.
