Bu gün Dövlət Sərhəd Xidmətinin Sərhəd Qoşunlarının əsgəri Vüsal Hüseynovun anadan olduğu günüdür. Bu haqda məlumatı Cenublu.az bu gün, 10 iyun tarixində verir.
Vüsal Yəhya oğlu Hüseynov 2001-ci ildə Lənkəran rayonunun Velədi kəndində doğulub. Orta təhsilini Lənkəran şəhəri 8 nömrəli orta məktəbdə alıb, daha sonra təhsilini Lənkəran Texniki Kollecinin Sürücü-mexanik ixisası üzrə davam etdirib.
2019-cu ilin oktyabr ayından Sərhəd Qosunlarının müddətli həqiqi xidmət hərbi qulluqçusu idi. Vətən müharibəsinin bitməsinə az qalmış, 8 noyabr 2020-ci ildə Zəngilan rayonunda döyüş tapşırığının yerinə yetirilməsi və əks-hücumun dəf edilməsi zamanı şəhid olub.
Ölümündən sonra “Vətən uğrunda”, “İgidliyə görə”, “Zəngilanın azad olunmasına görə” və "Cəbrayılın azad olunmasına görə" medalları ilə təltif olunub.
