Bu gün, 22 yanvar tarixində Vətən müharibəsi şəhidi Elvin Elçin oğlu Bayramovun doğum günüdür.
Elvin Bayramov 1998-ci ildə Cəlilabad rayonunun Adnalı kəndində anadan olub.
O, S.Səfərov adına Adnalı kənd tam orta məktəbinə daxil olub. 2015-ci ildə məktəbi bitirib. Daha sonra Lənkəran Dövlət Universitetində ali təhsil alıb.
2020-ci ildə hərbi xidmətə çağırılıb. Vətən müharibəsi zamanı Füzulinin azad olunması uğrunda gedən döyüşlərdə savaşıb. 2020-ci il oktyabrın 29-da Füzuli rayonu Seyidəhmədli kəndi istiqamətdində şəhid olub. Cəlilabadda dəfn edilib.
E.Bayramov ölümündən sonra “Vətən uğrunda”, “Füzulinin azad olunmasına görə”, “Xocavəndin azad olunmasına görə” medalları ilə təltif edilib.
