Bu gün, 17 fevral tarixində Azərbaycan Silahlı Qüvvələrinin leytenantı, Vətən müharibəsi şəhidi Musa Əsgərovun mövlud günüdür.
Musa Əlifağa oğlu Əsgərov 1997-ci ildə Cəlilabad rayonunun Sabirabad kəndində doğulub. 2003-2011-ci illərdə N. Məmmədov adına Sabirabad kənd tam orta məktəbində, 2011-2014-cü illərdə isə Cəmşid Naxçıvanski adına hərbi liseydə təhsil alıb. 2014-2018-ci illərdə Heydər Əliyev adına Azərbaycan Ali Hərbi Məktəbində ali təhsil alıb. Subay idi.
Vətən müharibəsi zamanı Murovdağ döyüşlərində, həmçinin Cəbrayılın azadlığı uğrunda gedən döyüşlərdə iştirak edib. Sentyabrın 28-də Cəbrayıl rayonunun Cəfərabad kəndində kəşfiyyatda olarkən düşmən tərəfindən pusquya salınaraq həlak olub. Nəşi 4 gün düşmənin nəzarət etdiyi ərazidə qalıb.
2 oktyabr tarixində Cəbrayıl uğrunda gedən döyüşlərdə onun nəşi döyüş meydanından götürülərək ailəsinə təhvil verilib.
Ölümündən sonra “Vətən uğrunda”, “İgidliyə görə” və “Kəlbəcərin azad olunmasına görə” medalları ilə təltif edilib.
