Bu gün, 1 fevral tarixində Vətən müharibəsi şəhidi Zülfü Ağalı oğlu Ağayevin doğum günüdür.
Zülfü Ağayev 1977-ci ildə Astara rayonunun Vaqo kəndində anadan olub. Orta təhsilini və həqiqi hərbi xidmətini bitirəndən sonra Müdafiə Nazirliyinin "Gizir hazırlığı kursu”na qəbul olub, tankçı peşəsinə yiyələnib.
Vətən müharibəsinin ilk günündə Füzuli rayonunun azadlığı uğrunda gedən döyüşə qoşulub, həmin gün şəhidlik zirvəsinə ucalıb. O, doğulduğu kənddə dəfn edilib.
Baş gizir Zülfü Ağayev 2013-cü ildə "Azərbaycan Silahlı Qüvvələrinin 95 illiyi", 2018-ci ildə "Azərbaycan Ordusunun 100 illiyi" yubiley medalları və "Qüsursuz xidmətə görə” 3-cü dərəcəli medalı, ölümündən sonra isə “Vətən uğrunda” və “Füzulinin azad olunmasına görə” medalları ilə təltif olunub.
