Bu gün, 18 yanvar tarixində şəhid Samir Səmədovun doğum günü ilə əlaqədar anım mərasimi baş tutub.
Mərasim Astara rayon Çayoba kənd mədəniyyət evində keçirilib. Burada şəhidin həyat və döyüş yolu haqqında məlumat verilib.
Səmədov Samir Mətləb oğlu 18 yanvar 2002-ci ildə Astaranın Pensər kəndində doğulub.
Vətən müharibəsi zamanı S.Səmədov, Talış kəndi və Ağdərə rayonu istiqamətində gedən döyüşlərdə savaşıb. 10 oktyabr 2020-ci il tarixində itkin düşüb. 18 noyabrda onun nəşi tapılıb və 20 noyabr Pensər kəndində dəfn edilib.
O, ölümündən sonra “Vətən uğrunda” medalı ilə təltif edilib.
