Bu gün, 12 fevral tarixində Vətən müharibəsi şəhidi Ramiq Ağayevin mövlud günüdür.
R.Ağayev 1992-ci ildə Astara rayonunun Səncərədi kəndində doğulub. Onun 3 oğul övladı Vətənə əmanət qalıb.
2010-cu ildə həqiqi hərbi xidmətə çağırılıb. Müdafiə Nazirliyinin "Gizir hazırlığının hərbi kursu"nu bitirib. Sonra sürücü-mexanik kimi 2012-ci ildən Azərbaycan Silahlı Qüvvələrinin sırasında hərbçi ömrünü yaşamağa başlayıb. Ramiq 2016-cı il Aprel döyüşlərində savaşıb.
Vətən müharibəsi zaman Ramiq Ağayev ermənilərin çoxlu istehkam qurğularını və canlı qüvvəsini məhv edib. Cəbrayılın alınması uğrunda gedən qızğın döyüşlərdə ağır xəsarət alıb və 13 gündən sonra dünyasını dəyişib. Oktyabrın 19-u Səncərədi kəndində dəfn olunub.
Ağayev Ramiq Təhsin oğlu ölümündən sonra “Vətən uğrunda” və “Cəbrayılın azad olunmasına görə” medalları ilə təltif olunub.
