Biləsuvar şəhərində fəaliyyət göstərən ictimai iaşə obyektində yoxlama zamanı bir sıra ciddi nöqsanlar müəyyən edilib.
Cenublu.az xəbər verir ki, Qida Təhlükəsizliyi Agentliyinin əməkdaşları şəhərin H. Aslanov küçəsi, ev 11 ünvanında yerləşən, fiziki şəxs İskəndərov Müşviq Hüseyn oğluna məxsus kafedə yoxlama aparıb.
Baxış zamanı obyektin divar, döşəmə və tavan hissələrinin asan yuyulabilən materialla üzlənmədiyi, havalandırma sisteminin quraşdırılmadığı, müvafiq təmizlik işlərinin görülmədiyi, temperaturun monitorinqi və qeydiyyatının aparılmadığı, həmçinin istifadə olunan suyun filtrdən keçirilmədiyi və digər nöqsanlar aşkar edilib.
Faktla bağlı fiziki şəxs barəsində inzibati protokol tərtib olunub, müəssisədə işlərin görülməsi və xidmətlərin göstərilməsi məhdudlaşdırılıb.
