Biləsuvar rayonunda fərdi yaşayış evində yanğın baş verib.
Cenublu.az xəbər verir ki, hadisə rayonun Xırmandalı kəndində qeydə alınıb.
Ümumi sahəsi 140 kvadratmetr olan birmərtəbəli, 4 otaqlı evin dam örtüyünün yanar konstruksiyaları yanıb. Operativ müdaxilə nəticəsində evin qalan hissəsi yanğından mühafizə olunub.
Yanğın Fövqəladə Hallar Nazirliyinin yanğından mühafizə bölmələri tərəfindən söndürülüb. Hadisənin başvermə səbəbi araşdırılır.
