Bu ilin yanvar-iyun aylarında Azərbaycandan xarici bazarlara 8 milyon 801.35 min ABŞ dolları dəyərində 437.20 ton çay ixrac edilib.
Bu barədə Dövlət Gömrük Komitəsinin hesabatında qeyd olunub.
Ötən ilin eyni dövrü ilə müqayisədə çay ixracı həcm ifadəsində 23.8%, dəyər ifadəsində isə 19.35% artıb.
Cari ilin ilk yarısında çay ixracı Azərbaycanın ümumi ixracının 0.02%-ni, qeyri-neft sektoru üzrə ixracın isə 0.07%-ni təşkil edib.
Hesabat dövründə ölkəyə 39 milyon 487.15 min ABŞ dolları dəyərində 6 min 521.67 ton çay idxal olunub. Çay idxalı 2025-ci ilin eyni dövrü ilə müqayisədə dəyər ifadəsində 7.85%, həcm ifadəsində isə 7.5% azalıb.
2026-cı ilin yanvar-iyun aylarında çay idxalı ölkənin ümumi idxalının 0.47%-ni təşkil edib.
Qeyd edək ki, bu ilin birinci yarısında Azərbaycanda çay istehsalı ötən ilin eyni dövrü ilə müqayisədə 2.4% azalaraq 5 min 534.6 tona enib. İyulun 1-nə olan vəziyyətə görə, sənaye müəssisələrinin anbarlarında 107.7 ton hazır çay məhsulu qalıb.
