Astara rayonunun Tüləgüvan və Ovala kəndlərində elektrik problemi əhalinin narazılığına səbəb olub.
Cenublu.az xəbər verir ki, kəndlərdə azacıq külək əsən kimi elektrik enerjisi kəsilir. Sakinlərin sözlərinə görə, bu problem uzun müddətdir davam edir və gündəlik həyatı ciddi şəkildə çətinləşdirir.
Bildirilib ki, tez-tez baş verən elektrik kəsintiləri xüsusilə axşam saatlarında daha çox müşahidə olunur, bu isə həm məişət işlərinə, həm də uşaqların dərs hazırlığına maneə yaradır.
Sakinlər aidiyyəti qurumları problemin aradan qaldırılması üçün təcili tədbir görməyə çağırırlar.
