Astara rayonunun bir sıra yaşayış məntəqələrində planlı təmir işləri ilə əlaqədar elektrik enerjisinin verilişində müvəqqəti fasilə yaranacaq.
Cenublu.az xəbər verir ki, Astara Elektrik Şəbəkəsinə (EŞ) daxil olan 110/35/10 kV-luq "Astara" yarımstansiyasından çıxan 35 kV-luq "Lovayın" hava xəttində aparılacaq təmir işləri ilə əlaqədar 21 iyul tarixində saat 15:00-dan 16:00-dək Pensər, Kakalos, Şahağacı, Lovayın, Siyaku, Hamoşam, Toradi, Təngərud və Çayoba kəndlərinin bir hissəsində elektrik enerjisinin verilişi dayandırılacaq.
Bildirilib ki, təmir işləri başa çatdıqdan sonra sözügedən ərazilərin abonentləri daha keyfiyyətli və dayanıqlı elektrik enerjisi ilə təmin olunacaqlar.
