Astaranın Ərçivan qəsəbəsindən olan həkim Ağaqulu Quliyev dünyasını dəyişib. Bu haqda bu gün, 18 avqust tarixində Cenublu.az BizimAstara-ya istinadən xəbər verir.
Ağaqulu Quliyev 1942-ci ildə Astaranın Ərçivan qəsəbəsində dünyaya göz açıb. Böyük ailədə böyüyüb başa çatan Ağaqulu həkim 17 yaşında Bakı Tibb Texnikumuna daxil olaraq laboratoriya işini öyrənib. Baltikyanı ölkələrdə müddətli hərbi xidmət zamanı feldşer olaraq çalışıb.
Daha sonra fəxrimiz Qazaxıstanın Selinoqrad şəhərində həkimlik ixtisası üzrə təhsil alıb. Qazaxıstanın Borovoe adlı ərazisində sanatoriya və sağlamlıq mərkəzlərində xüsusi tibb müəssisələrində aktiv fəaliyyət göstərib.
Tibb elmini daha dərindən örənmək məqsədilə kardiologiya, rentgen işi, urologiya, Tibet akupunktura və ultrasəs müayinələrin aparılması sahəsində özünü inişaf etdirib.
Ağaqulu Quliyev 2000-ci ildə Ərçivan qəsəbəsinə qayıdıb və Astara Rayon Xəstəxanasında çalışıb.
Fəxrimizin 3 övladı və 4 nəvəsi var.
Ağaqulu həkim 12 avqust tarixində Ərçivan qəsəbəsində vəfat edib.
