Astaralı Vətən müharibəsi şəhidi, polkovnik-leytenant Nail Orucovun oğlu da bu il tələbə adı qazananlar sırasındadır.
Belə ki, qəhrəman şəhidimizin övladı Ruslan Orucov Azərbaycan Tibb Universitetinin Hərbi Tibb fakültəsinə daxil olub.
Qeyd edək ki, Nail Orucov 11 iyun 1978-ci ildə Astara rayonunun Məsçitməhəllə kəndində anadan olub. 1995-ci ildən Azərbaycan Silahlı Qüvvələrinin sıralarında xidmət edən Nail Orucov 2016-ci ildə ehtiyata buraxılıb. Vətən müharibəsi zamanı Cəbrayılın, Hadrut qəsəbəsinin, Füzulinin və Qubadlının azadlığı uğrunda gedən döyüşlərdə savaşıb. Nail Orucov oktyabrın 31-də Qubadlı döyüşləri zamanı şəhid olub. Astara rayonunda dəfn olunub.
